As Mariñas lectoras

Mudamos de blog

2011-10-25T20:28:00.003+02:00

Se queres saber o que acontece nesta nova etapa de As Mariñas Lectoras visita o

Esperámosche!

Excursión a Santiago

2009-06-04T15:07:00.008+02:00

O día dous de xuño, "As Mariñas Lectoras" e mais "Salicornia" de Miño fomos a Santiago ver a biblioteca pública Ánxel Casal e a libraría Couceiro.

Comezamos a excursión pola visita á biblioteca. É inmensa! Ten catro plantas perfectamente ambientadas e adecuadas a cada idade.

Despois seguimos a nosa viaxe pola libraría Couceiro, onde nos ensinaron un obradoiro de restauración de libros moi interesante. Deixáronnos andar ao noso aire para escoller libros que nos gustasen para a nosa biblioteca.

Á hora de xantar fomos a un parque comer bocadillos e unhas aceitunas que nos trouxo Marisa a de Bioloxía. Cando acabamos, déronnos un plano e unhas preguntas que tiñamos que responder indo a diferentes partes de Santiago.

A ver se sabedes vós algunha:

Cantas habitacións ten o edificio situado no lado sur da praza de Praterías?

Quen é o escritor galego que goza dun banco no paseo dos leóns?

Artigo escrito por Alba Fernández e Sonia Martínez.

Anxo Fariña coas Mariñas Lectoras.

2009-05-26T22:13:00.010+02:00

A quen vos lembra este debuxo?

Efectivamente, un dos Megatoxos.

Aquí tedes a dedicatoria que nos deixou Anxo Fariña. Si, desta vez tivemos a sorte de contar co creador de Lúa, Ruxe, Ninfa e Faísca.

Con moito agarimo para "As Mariñas", podemos ler ao lado do debuxo. Ilustración + texto, como a el lle gusta, lembrades?

Que credes que nos quere dicir este personaxe? Como nos contou o Anxo: "Hai unha historia dentro de calquera cousa".

Por certo, lembrades cantas historias cabían nunha botella de auga?

E que me dicides da súa opinión ante a pregunta que lle fixestes sobre se prefería o cine ou a lectura? El comentou que o cine lle gustaba moito polo protagonismo da imaxe pero que, de ir á praia, ou a camiñar, como a el lle gusta, malia os DVDs portátiles, el sempre levaría un libro "porque a un libro non se lle acaba nunca a batería".

Agardamos arelantes a terceira entrega dos Megatoxos¡ e, mentres tanto, gozade con este quebracabezas

O carteiro de Bagdad rematou a súa xornada

2009-05-12T15:09:00.002+02:00

Nada muda en Bagdad. O balbordo dos estoupidos e dos disparos continúa neste primeiro día de muharram, o mes que inaugura un novo ano.

Así remata o libro de Marcos S. Calveiro.

Pero vós sabedes que algo si que mudou nos dous rapaces. Que foi?

A que se vos lembra a imaxe que vedes?

Que poñía nesa folla de xornal envurullada que lle foi parar á perna de Abdul?

E, por suposto, que vos pareceu o remate do libro?

El baile

2009-05-05T18:33:00.009+02:00

Imos botar unha peza? Estarédesvos preguntando ao fío do título deste artigo.

Pois non botar, pero si ler un pequeno relato da autora Irène Némirovsky que leva por título: El baile.

Para sacarlle o mellor partido á lectura é importante coñecer a vida da autora, a súa relación coa nai, o estrato social ao que pertencía, as súas inquietudes e como foi descuberta como escritora anos despois da súa morte.

Por iso é conveniente que leades o enlace de enriba, ou outras páxinas que vós atopedes, para unha primeira reunión do clube de lectura de As Mariñas Lectoras II onde, ademais de falar de Irène Némirovsky, repartiremos os libros.

E se nos vemos este venres á hora do recreo? Mañá falamos.

Cebolas, maxia, versos

2009-04-30T15:15:00.005+02:00

Este martes, latamos á nosa habitual reunión porque tivemos un convidado de luxo no clube de lectura: Raúl Vacas fascinounos co seu obradoiro de Poesía.
Que sensación vos produciu tocar un poema?
E vós, como describiriades un niño?
Coñeciades os haikus?

Raúl aprendeunos

que a poesía é comunicación, é compartir
que debemos diferenciar o valor das cousas do seu prezo
que todos os poemas teñen o seu truco, e que como facemos para a boa maxia, debemos esforzarnos un pouco para entendelo; pero iso si, unha vez que o descubrimos, ficamos engaliolados.

Animádesvos a facer libros de poemas CDs, caixas de tabaco, camisetas...?

No mes de abril

cebolas, maxia, versos,

haikus con Raúl.

Bagdag e as súas bibliotecas

2009-04-21T12:15:00.008+02:00

Por que, durante séculos arrasaron coas bibliotecas de Bagdad? Por que non lles gustaban os libros aos continuos invasores?

Lembras o nome dalgún rei que promovese a construción de bibliotecas?

Aquí podes botarlle un ollo a outras bibliotecas do mundo.
Tes curiosidade acerca dos 99 nomes de Alá? Clica e poderás ler todos.
Por que camiñan tan altivos os camelos beduínos?

Nada muda en Bagdad.

2009-04-14T13:49:00.009+02:00

Nada muda en Bagdad. Os meses rematan coa fin da lúa nova. Unhas noites despois, o tremelucente hilal anuncia no ceo escuro o abalo.

Soavos, non si? De que? Atreveriádesvos a dicir en que capítulo o lestes?

Abdulwahid vive nun país en guerra, sofre as súas consecuencias sen ser aínda moi consciente da gravidade da situación.

Que opinas da vida que leva o noso protagonista?

Bubisher

2009-03-30T21:17:00.004+02:00

As Mariñas Lectoras sacan o seu lado máis solidario e queren colaborar no proxecto Bubisher coa venta dunhas postais.
O curso pasado, o clube de lectura dedicou parte das súas lecturas a achegarse á problemática dos campamentos saharauís, e foi tal o impacto que nos provocou, que cando soupemos do proxecto Bubisher tamén quixemos implicarnos nel. Pero…

- Como podemos colaborar?
- Xa o teño! Faremos unhas postais e co diñeiro recaudado axudaremos a levar libros ao Sahara.
- Boa idea! Pero necesitaremos unhas boas fotos para ilustralas.
- Eu coñezo unha persona que pode cedernos algunha das que fixo cando visita os campamentos.
- Está ben, pero as fotos soas… Non será mellor acompañalas dun texto?
- E se falamos con Gonzalo Moure? Mandámoslle as fotos, e que sexa el quen lles dea voz ás imaxes. Que vos parece?
- Adiante!

E, meu dito, meu feito. As mariñas lectoras sacan o seu lado máis solidario para colaborar co Bubisher. Así que, se alguén do clube se vos achega para vendervos unhas postais, xa sabedes, contaxiádevos da súa xenerosidade e amosádelles a vosa faceta máis solidaria. Así todas e todos os d'As Mariñas poñeremos o noso graíño de area nun deserto que precisa libros.Grazas a Gonzalo Moure e a Sabela Lorenzo por darnos a oportunidade de colaborar neste proxecto.

BubbleShare: Share photos - Play some Online Games.

Grazas, Fernando, por este libro

2009-03-26T18:54:00.006+01:00

Tal vez una asignatura obligada por ley debería ser que los adultos viviéramos dos días, solo dos días, en un país extranjero sin dinero, sin trabajo y sin conocer el idioma.

Un rato antes, Khakim me había parecido un tipo poco recomendable, de aspecto desastrado, del que podría haberse esperado que me robase la cartera. Ahora, al conocer la terrible peripecia vital de este hombre valiente y culto movido por el amor, me avergoncé de mí mismo, porque lo había juzgado, casi únicamente, por su barba de varios días.

... A nosotros, cuando despertamos el segundo día de la guerra, también nos habían convertido en insectos.

Y calló, comenzando un silencio de muchos días.

O carteiro de ...Karrada?

2009-03-24T12:57:00.012+01:00

De que vos estrañades? Así é como aparece ás veces o título de Marcos S. Calveiro cando busquedes información sobre o libro na rede.

Hoxe, Al Tholatha'a, martes, vós, que xa estades a ler a historia de Abdulwahid, sabedes por que aparece o nome de Karrada, non si?

Na contraportada do libro lemos:
Estamos en Bagdad , a cidade atravesada polo Tigris, a que aparece nos contos d'As mil e unha noites, a que hoxe resiste baixo as bombas, entre o fogo cruzado.
A xente vive esculcando o ceo, as escolas pecharon e os cativos xa que non xogan na rúa. Alleo a todo, Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.

O autor, nunha entrevista, conta como a historia xurdiu a partir dunha nova lida no xornal: os estadounidenses entregáronlles motocicletas aos carteiros de Bagdad Tras a invasión de Irak.

Que credes que ides atopar nesta nova lectura?

Consumir preferentemente

2009-03-18T11:38:00.009+01:00

O que pode parecer a etiqueta dun produto de supermercado convértese en poesía na pluma de Raúl Vacas.

Consumir preferentemente é o título do libro de poemas que escollimos para ler conxuntamente os dous clubes de lectura.

Como a poesía require, esta será una lectura que faremos moi de vagar, gozando de cada verso.

Para finais de abril reunirémonos co autor. Coma sempre, contáremosvos neste blogue como foi a experiencia.

"SMS"

q paxa waptna d ms huess!!!

mjuego 20 € kmo apuesta

si ds mi sms a 1xiko d ess.

nvía akí ami mvl tu rspsta

kdms kand kras xfa bss

tkm wapa dew ctt

Scherezade

2009-03-17T02:27:00.002+01:00

Zara hablaba bien nuestro idioma, y traducía con bastante soltura, lo que no resultaba inverosimil teniendo en cuenta el oficio de su tío. Su voz era hermosa, y su extraño acento despertó en nosotros una suerte de embrujo. Me vino a la cabeza que así, más o menos, tenía que haber sido la voz de Scherezade.

Scherezade? Soa moi ben pero, quen é Scherezade?

Busquemos na wikipedia.

Que historia tan bonita! Xa me están dando ganas de ler Las mil y una noches

Os grados do racismo

2009-03-11T01:59:00.001+01:00

"¿Por qué no salía al rellano y corría a socorrerle? ¿Por qué no lo hacía inmediatamente? Mi cabeza generó la imagen del mesonero xenófobo, mirando apenas unas horas atrás con recelo a los dos hermanos. ¿Será, pensé, que los prejuicios y los miedos hacia el extranjero tienen grados? El mesonero los rechazaba y temía por su origen árabe, y yo le recriminaba por ello. Pero ahora, ante una situación grave, que podía ser de emergencia, mi espíritu solidario se encogía como un caracol, y me limitaba a mirar mezquinamente por la mirilla. El mesonero tenía el grado primitivo de racismo. Yo, el suave, sofisticado y posmoderno."

E ti, coñeces algunha situación vivida por ti ou por outras persoas, onde se poña a proba o grado de racismo?

Pénsao, e o martes contánolo.

Deica outra, Megatoxos

2009-03-10T14:05:00.006+01:00

Últimos capítulos da segunda entrega dos Megatoxos.

Que tal o final? Gustouvos?

Contádenos que vos pareceu. Pero lembrade que non nos podedes desvelar o final.

De contos en Miño con Tropa de trapo.

2009-03-05T15:05:00.010+01:00

Ás dez e media saímos cara a Miño.
Chegamos na carreiriña dun can e deunos tempo para ir buscar os alumnos do CPI Castro Baxoi.
Chegamos ao centro social, sentamos, e Brais e Marta comezaron a contarnos contos.
Pero non eran só contos, fusionábanos con música e chegaban moito ao corazón.
Escoitamos relatos árabes e galegos.
Logo fixemos un obradoiro con actividades coas que rimos moito e que serviron para unirnos cos do outro colexio.
Aprendimos que a mirada é moi importante á hora de transmitir.
E, ao final, todos saímos na foto.

Artigo escrito a base de retallos das Mariñas Lectoras que hoxe fixeron a primeira, e esperamos que non a última, actividade conxunta co clube de lectura Salicornia de Miño.

Graciñas a Tropa de Trapo pola mañá tan especial que nos fixo vivir.

Canteiros e constelacións

2009-03-03T12:12:00.010+01:00

"Son marcas de canteiro! (...) Os estudosos do tema opinan que simplemente son a sinatura de cada canteiro. (...) Normalmente, cando un artesán ingresaba no gremio dos canteiros, asignábaselle un símbolo propio. Habíaos moi variados; letras, números, cruces, animais, figuras xeométricas, até símbolos de alquimia."

Para que servían estas marcas?

Lembras o que Lúa nos conta delas?

Se queres máis información sobre os canteiros visita esta páxina, e para saberdes algo máis dos nosos oficios tradicionais pídenos algún destes libros á biblioteca.

Cal é a túa constelación? Atoparás todo o univereso na CDU 52, Astronomía.

Templarios e Megatoxos

2009-02-17T12:15:00.007+01:00

Este lugar non é un mosteiro como outros que poidades coñecer. No exterior parece un edificio dedicado a labores relixiosos, pero non é así. Os monxes comparten este edificio cos cabaleiros da nosa orde. Eles non son soamente monxes, nin nós uns típicos guerreiros descerebrados. O fundamental neste edificio é a salvagarda da cultura e da civilización humana. Monxes e cabaleiros unimos esforzos nesa única dirección. Pensamos que hai que loitar usando a cabeza e a palabra, pero non descartamos o uso da forza. Por iso imos armados e somos adestrados como guerreiros.

Quen está a falar?

Aquí tedes algúns enlaces para saberdes máis dos cabaleiros templarios, mitos, lendas, regras da orde, os templarios en España e en Galiza, como era a súa vestimenta, galería de imaxes, vídeos en YouTube...

Que sabedes vós dos Templarios?

Algunha película onde aparecen?

Algún outro libro?

Eva, outra adicta a Crepúsculo

2009-02-12T12:29:00.010+01:00

Ola!
Pois hoxe queríavos recomendar toda a colección de Crepúsculo: Crepúsculo, Luna Nueva, Eclipse e Amanecer que contan a historia de amor entre unha humana e un vampiro, Bella e Edward, nun pequeno pobo a onde ela se muda para vivir co seu pai, os perigos que corre por namorarse del...
Crepúsculo conta como se coñeceron e se namoraron, como el a salva...
Luna Nueva nárranos como el se alexa dela para non facerlle dano, como ela non o pode olvidar e como o salva.
Eclipse conta como ela se dá conta de que está namorada de Edward e do seu mellor amigo, e decide con quen quere estar...
Amanecer di como finaliza a súa vida como humana e como casa cun dos seus pretendentes.
Non vos digo nada máis. Agora lédeos. Todos eles están na biblioteca.

Escritores

2009-02-11T03:13:00.004+01:00

Cal das pinceladas que fai Fernando Marías destes autores che chamou máis a atención?

Teseo, Minotauro, códices...

2009-02-10T13:31:00.015+01:00

No capítulo de hoxe aparecen uns personaxes que tal vez non coñezades:

Pasoulle entón pola cabeza a historia de Teseo, onde o heroe mitolóxico, para non perderse no labririnto do Minotauro, utilizaba un fío a modo de guía sinalizando o camiño.

Quen lle deu ese fío? Para saberdes algo máis deste heroe e da muller que o axudou a saír do labirinto, clicade aquí, ou tamén, rebuscade na CDU 29 MITOLOXÍA, atoparedes historias fascinantes dos deuses e heroes gregos e romanos.

Pero volvamos aos nosos Megatoxos.

Ruxe atopou nun códice a miniatura que tedes á dereita:

Quen son os que aparecen na imaxe?

Que inscrición tiña embaixo?

Que che lembran esas palabras?

Os Megatoxos na Idade Media

2009-02-03T13:57:00.008+01:00

Parece que por fin os catro amigos volven viaxar no tempo.

Pero, non vos intriga o xeito de actuar do profesor Burela?

Que fixo?

Volvamos á viaxe. Cantos séculos retroceden?

Unha pista:

"Nas diapositivas observábanse algúns exemplos de mosteiros dos séculos .................... enclavados en incríbeis paisaxes galegas. A pesar do aspecto fortificado, estes lugares servían para a meditación, a oración, e o estudo. Acadando algúns grande sona como eixos culturais. Nestes edificios os monxes desenvolvían toda a súa existencia, tendo cada un o seu posto nestas comunidades autosuficientes"

Coñeces algún mosteiro galego?

Unha estrela no vento

2009-01-29T12:15:00.005+01:00

Eva Rodríguez, mariña lectora e gran lectora, envíanos unha nova recomendación de lectura.

Hoxe vouvos recomendar o libro de Ledicia Costas Unha estrela no vento.
Esta moi ben, o protagonista é Miguel Foz, ao que outra banda lle pegou, a banda do Bruto,
e os amigos querense vingar; ten que coidar ao seu primo discapacitado orfo de pais; namorase dunha rapaza chamada Reina, que resulta que era irmá do xefe d outra banda q lle deu a malleira; tamén dase conta de que hai xente na que non se pode confiar ainda que digan q son teus amigos...

A min persoalmente gustoume todo o libro excepto o final, xa que morre unha persoa moi importante para o protagonista, agora non vos digo máis, LÉDEO!!!

Este libro esta dispoñible na biblioteca

Os Megatoxos e a espada esmeralda.

2009-01-27T12:23:00.012+01:00

Comeza un novo ano escolar para os nosos heroes.

Desta volta os Megatoxos viaxarán á Idade Media na procura dunha solución para a súa mutación xenética. Alí atoparán un mosteiro onde nada é o que parece.

Lemos na contraportada: "Nesta nova aventura, deberán medir a súa intelixencia e valor entre códices medievais, nunha biblioteca chea de enigmas e perigos, situación que porá en xogo a súa amizade".

De verdade credes que correrá perigo a mizade entre os nosos catro amigos?

Pero non adiantemos acontecementos. Hoxe comentaremos os primeiros capítulos.

Por que credes que teñen que adestrar os Megatoxos?

Que aconteceu na primeira sesión de adestramento?

Fixádevos nas ilustracións de Anxo Fariña. Seguro que vos serven de pista.

Non puido ser!

2009-01-20T16:02:00.013+01:00

Ao igual que en moitos dos institutos de Galiza, no IES "As Mariñas" hoxe notouse a falta do alumnado por mor do tempo.

A mágoa foi que Anxo Fariña, o autor dos Megatoxos, ía vir facernos unha visita ás "Mariñas Lectoras" e tivemos que cancelala.

Ei! Non vaiades pensar que xa non vai vir. Non vos preocupedes: en canto se poida, terémolo connosco.

Non á guerra!

2009-01-13T18:18:00.015+01:00

Xa temos elixida a próxima lectura para As Mariñas lectoras II e esta mesma semana comezaremos co reparto dos libros.

A elección, tendo en conta as tráxicas situacións que se viven, e a próxima celebración do Día da Paz, non podía ser máis acertada: Zara y el librero de Bagdad de Fernando Marías, último gañador do premio Gran Angular.

“Decidimos premiar esta obra por su trama apasionada y la riqueza y profundidad de valores que transmite tales como generosidad, empatía y delicadeza. Es además un firme alegato contra la guerra”

Os Megatoxos despídense dos celtas.

2009-01-12T20:12:00.011+01:00

"Alí estaba diante de todos eles. Agora formado por fume, en vez de auga, mais non había dúbida, era Drunxel. Por algún motivo non acabaran con el, simplemente mudara de forma".

Así comeza o último anaco que temos que ler para mañá.

No remate do libro será moi importante que coñezades os diferentes estados da materia. Por que?

Menos mal que os nosos amigos tiñan ben estudado ese tema.

Que che pareceu o final do libro? Como pensabas que ía rematar?

Deica outra lectura, Megatoxos!

2008-12-18T16:05:00.000+01:00

O xoves, falaremos de...

2008-12-16T19:23:00.012+01:00

Historia: "De pronto, los soldados y siervos que había en aquella sala, se echaron de bruces a tierra y pusieron sus frentes sobre el suelo. Rodeado de esclavos negros y sirios, así como por una comitiva de personajes civiles y militares, había aparecido por una puerta el Emir de los Creyentes, el gran califa al -Haken II"

Convivencia: "La judería se hallaba muy cerca del tugurio donde Hantal y Fernando habían estado, al lado de la gran mezquita y el alcázar"

Amizade: "Yo soy tu amigo sincero y conoces mi carácter. Sé callar como un muerto cuando es preciso, sobre todo si eso sirve para que se haga justicia"

Ambición: "Ser el dueño del reino más poderoso de Occidente"

Papel da muller: "Mi señor, no puedo aceptar nada de lo que me ofrecéis. No soy ni esposa, ni concubina, ni esclava vuestra"

Legado léxico: Almirez. Azahar. Anaquel. Alheña. Aceifa. Alfanje.

Festa rachada para os Megatoxos.

2008-12-16T13:03:00.008+01:00

Logo da derrota de Drunxel os habitantes do poboado de Gael agradecéronlles aos "Deuses Megatoxos" a súa fazaña. Como o fixeron?

Pero esa tarde non todo era preparativos. Mentres Ruxe e Faísca durmían, Lúa e Ninfa fixeron un percorrido polo poboado cun guía moi especial.

Que aconteceu durante a visita?

Que credes que pasará nos dous últimos capítulos?

Celtas e diaños.

2008-12-09T12:29:00.006+01:00

Un novo personaxe entra en acción: Gael, o aprendiz de druída.

Gael vive nun poboado celta. Oseu xefe, o druída, tivo que ausentarse e, obrigado pola necesidade, o aprendiz tivo que demostrar as súas artes para a elaboración de apócemas. Pero algo saíu mal e ...

Que foi o que pasou?

Cres que Drunxel foi aniquilado para sempre?

Se queredes saber algo máis dos nosos devanceiros celtas atoparedes información na biblioteca.

Bubisher

2008-12-04T18:58:00.004+01:00

E que é Bubisher?

Por Bachir, por Kori, por Lalia, por Susu, por Caramelo e por todos aqueles que sen saber dos seus nomes, si coñecemos as súas inxustas condicións de vida.
Dinos Gonzalo Moure na súa páxina: "Tal vez tú seas un día uno de los que vayan en el Bubi para leer en las escuelas saharauis, tal vez no. Pero, tal vez el que venga sea la compañera o el compañero más insospechado. Porque eso es lo que queremos: que nadie que haya pensado alguna vez en cómo ayudar a los saharauis, se quede sin hacerlo. Yendo a los campamentos a llevar el bibliobús y los libros a las aulas, o colaborando desde el colegio recogiendo libros, o de cualquier otra forma."

As Mariñas lectoras do primeiro ciclo da ESO opinan:

2008-12-02T21:36:00.009+01:00

Hoxe preguntámosvos acerca da vosa experiencia do ano pasado no clube, e para os que empezastes este ano, que nos contásedes que vos parece.
Aí van algunhas das vosas impresións:

Por que vos anotastes no clube de lectura?
– Porque unha rapaza que xa se anotou o ano pasado propúxomo e a min pareceume divertido, porque me encanta ler.
– Porque me pareceu moi interesante e tiña curiosidade por saber o que se fai nun clube xa que nunca tiven un.

Que foi o que máis vos gustou?
– Cando veu o escritor Gonzalo Moure, e tamén cando fomos de excursión á Coruña para mercar libros.
– O saber que lemos libros tan fantásticos.

E o que menos?
– Ter que ler os libros cando teño que estudar para os exames.
– Que somos poucos no clube de lectura.

Cambiou o voso xeito de ler, de enfrontarvos aos libros, de ver a lectura?
– Si que cambiou porque agora vexo os libros máis interesantes.

– Si que cambiou porque agora leo todo tipo de libros.
– Si, porque me dou conta da importancia que ten a lectura porque descobres cousas e aprendes moito, porque nos libros vén todo.

Que vos parece a relación que mantedes entre os membros do clube?
– Moi boa e tamén me relaciono con outras persoas que case non coñecía.
– Paréceme boa porque coñezo xente nova que non pensei que fose tan simpática.

2008-11-30T20:01:00.010+01:00

Al-Hakem II (915-976), o califa de “El misterio del eunuco”, fíxose cargo do poder aos 47 anos tras a morte do seu pai, Abd Al-Rahman III.

O seu foi un califato pacífico, onde se defendeu máis a vía diplomática que a militar.

As súas grandes paixóns foron as artes e as letras. Reuniu na súa biblioteca máis de 400.000 volumes e fundou 27 escolas públicas nas que os eruditos ensinaban aos pobres e orfos a cambio de altos salarios.

No ano 956 mandou ampliar a Mezquita de Córdoba en dirección ao río Guadalquivir, o que obriga a trasladar o mihrab (pequena habitación cara á que miran os fieis na oración) e facelo de novo. Será o definitivo, con unha exuberante decoración que reflicte o momento de esplendor que vive o califato.

Eunucos e castratis

2008-11-25T07:17:00.004+01:00

Os eunucos, homes escravos aos que se lles castraba, encomendábaselles a función de gardar os haréns e coidar as mulleres que habitaban neles. Algúns chegaron a ter moito poder debido ás intrigas nas que participaban.

Este costume de converter os homes en eunucos practicouse nos imperios babilonio, chinés, bizantino, árabe e turco.

Os castrati eran nenos que procedían de ambientes pobres e aos que se lles castraba antes de chegar á puberdade. Con este cruel procedemento conseguíase que estes cantantes conservasen unha voz infantil pero coa capacidade pulmonar dun adulto. Recibían unha esmerada formación musical e algúns chegaron a ter grandes fortunas.

Un dos castrati máis famoso foi Farinelli (1705-1782)

Os Megatoxos inician a viaxe.

2008-11-24T20:09:00.009+01:00

Na reunión de mañá xa nos contaredes algo máis de Faísca, Ruxe, Lúa e Ninfa.

Que había na furna que lles escachou?

Que lle aconteceu a Faísca na praia diante dunhas mozas en biquini?

Por que os espectadores do cinema saltaban (no sentido literal) nas súas butacas?

Que lle pasou a Lúa mentres lía unha poesía na clase?

Por que hai un laborario secreto embaixo do instituto?

E que dicides dun toxo modificado xeneticamente que se pode teletransportar?

Mañá seremos quen de desvelar todos estes interrogantes, non si?

Torres de Malory

2008-11-22T15:30:00.013+01:00

A Eva gustoulle tanto este libro de Enid Blyton que tamén llelo quere recomendar ás súas compañeiras e compañeiros dos clubes de lectura "As mariñas lectoras".

Hoxe quero facer un comentario sobre Cursos en Torres de Malory.

Conta a historia dun internado de alumnas nas que sempre sucede algo. A protagonista chámase Darrel, é unha nena con algo de xenio... Dentro das súas amigas hainas bromistas como Alicia, algo cridas, estudosas..., pero non hai ninguén como a súa amiga da alma. Bueno agora non vos conto máis, se queredes saber algo sobre el, lédeo.

Haino na biblioteca.

Un saúdo, Eva.

Eva é alumna de 2º da ESO.

El misterio del eunuco

2008-11-18T16:59:00.020+01:00

Poderían ser estes os azulexos que decoraban o cuarto do eunuco?

Saberán eles o que realmente ocorreu nese cuarto?

É Rodrigo oculpable da morte de Hemné Sudri?

Chegará a algunha conclusión Hantal Idrissi nas súas pescudas?

Falaremos de todo isto o vindeiro venres.

Os Megatoxos.

2008-11-16T22:57:00.008+01:00

Non, non son uns toxos xigantescos.

Vós ben sabedes de quen imos falar, non si? Mellor dito, ben sabedes sobre quen imos ler.

Por que non nolo contades?

Que é iso dos Megatoxos?
Quen son os Megatoxos?
Coñeciades a Anxo Fariña?

Este martes temos a segunda reunión das Mariñas Lectoras do primeiro ciclo da ESO. Falaremos de todo isto e de moito máis.

Comeza a conta atrás...

2008-11-05T12:05:00.007+01:00

Siiiiiiiiiiiiiiiiiiiiiii! Vaaaaaaaaaaaaaale! Tedes razón. Xa vai sendo hora de que comecen a funcionar os clubes de lectura.

Vides pola biblioteca: o primeiro, hai que dicilo, foi Daniel. Despois fostes vindo todos e todas: Noelia, Cristina, Eva, Paula, Zanobi, Alba, Sonia ...; chegabades aos poucos, como un goteo interminable que acaba por erosionar a rocha máis dura.

Nos recreos, nos momentos que vos quedan logo do xantar dos martes, nas escapadas entre clase e clase para devolver algún libro, viñades onda nós co eterno retrouso: Cando comezamos cos clubes de lectura?

Pois ben, xa queda apalabrado. Vemónos a vindeira semana.

Excursión á Coruña

2008-06-23T09:17:00.012+02:00

O pasado martes 3 de xuño os alumnos integrantes da biblioteca IES "As Mariñas" visitamos a Coruña. E así nos foi o día.

Nada máis chegar fomos a unha florería mercar un ramo de flores para Begoña, que na actualidade rexenta a libraría Nova Colón xunto coa súa irmá, pero hai uns anos traballaba na libraría Colón que dá á Rúa Real e que tivo unha grande importancia na antigüidade pero agora xa non existe. Despois dunha charliña desta rapaza, na que nos explicou varias cousas curiosas sobre os libros, fomos tomar un tentenpé. Despois visitamos FNAC e igual que na anterior libraría mercamos algúns libros co presuposto da biblioteca. Máis tarde fomos ao centro comercial do Porto onde xantamos, para, tras un pequeno descanso ir visitar a fundación Caixa Galicia (no Cantón Grande) onde vimos expostas varias obras de Castelao (algunhas non as entendía).

Finalmente regresamos á parada do bus para voltar tras un intenso, caloroso e divertido día.

Crónica da nosa reporteira Alba Iglesias Yáñez de 1º B da Eso.

Da pedra filosofal ás reliquias da morte

2008-06-20T12:21:00.002+02:00

Ola son Eva e estou aquí para recomendarvos un libro: Harry Potter. Estes libros están moi ben, a min gústanme moito.

Harry Potter e...

A pedra filosofal (I)
A cámara dos segredos (II)
O preso de Azkaban (III)
O cáliz de fogo (IV)
A orden do Fénix (V)
O misterio do príncipe (VI)
As reliquias da morte (VII)

Recoméndovos que os leades. Chao

Cine e literatura

2008-06-15T20:12:00.006+02:00

O vindeiro mércores poremos un punto e seguido no noso club. Entre exames e avaliacións reunirémonos para falar da nosa última lectura neste curso: “O neno co pixama de raias”.

Pero ademais veremos a película “La vida es bella”, onde tamén hai xente que viste pixama de raias, e así compararemos dúas formas distintas de contar un mesmo feito histórico.

A reportaxe de Alba

2008-06-10T13:01:00.016+02:00

Cuando llegamos a A Coruña, fuimos directas a la librería "Nova Colón" situada en la calle La Galera, donde una chica muy amable llamada Begoña que resultó ser la dueña de la librería, nos abrió las puertas hacia el mundo del libro y el inicio de su creación.

"Los libros tienen varias partes: la camisa que es lo que protege a la portada y contraportada del libro, las guardias, serie de hojas en blanco, actualmente no tienen mucha utilidad pero que hace muchos años, en la antigüedad, servían para que la tinta de las letras de la última y primeras páginas no se esparcieran sobre ellas de modo que no dejasen leer el contenido de la obra".

"Cada libro tiene un número de identificación llamado ISBN".

"En el primer tiraje de un libro, la presentación de este no suele ser muy elaborada ni lujosa, para que toda la población se pueda permitir comprarlo, ya que esto causaría un precio mayor.

Si el libro tiene éxito y logra colocarse en las estanterías de las casas de sus nuevos dueños, puede que en épocas de mayor venta como Navidad, se fabrique con portadas más llamativas y elaboradas"

Después de contarnos todos estos datos sobre los libros y que no toda la gente conoce, empezamos a elegir aquellos libros que más nos gustasen para llevarlos a la biblioteca del instituto y así poderlos leer durante el verano. Y así fue como poco a poco, de libros que contenían mil historias de humor, aventuras, intriga, terror, etc. se fueron formando grandes montones de libros, libros y más libros hasta que en el mostrador donde estaban apilados ya no cabían más.

Después de comprar los libros nos dirigimos a la Plaza de Lugo donde está el FNAC.

Desde fuera el edificio en el que está no parece que dentro de él te vayas a encontrar con los cientos de libros, discos, ordenadores, dvds, televisores y demás cosas que pudimos ver.

Aquí compramos una serie de libros, cómics y dvds.

En cuanto a los dependientes, eran muy amables y estaban muy enterados de todo lo que vendían pero el trato no era mejor que el de Begoña.

Crepúsculo, unha nova proposta de lectura

2008-06-10T11:58:00.016+02:00

Alba Fernández Pato de 3º B fainos chegar a seguinte recomendación de lectura:

"Os recomiendo Crepúsculo, porque es un libro que trata de la historia de una adolescente que cambia de instituto y conoce a un chico que tiene unos hábitos muy extraños, poco a poco se van enamorando. Pero resulta que el chico no le es conveniente ya que no parece "ser quien es ".

Es una historia muy entretenida y llevadera. Tan pronto empieces a leerla te ves tan involucrado en ella que parece que eres uno de los personajes"

Graciñas Alba pola túa recomendación. Terémola en conta para as nosas lecturas do verán.

Ricardo Gómez envíavos saúdos desde Madrid.

2008-06-09T00:01:00.007+02:00

O autor d'O cazador de estrelas mándavos un saúdo a vós, socias e socios das Mariñas lectoras.

A vosa Biblioteca estivo na Feira do Libro de Madrid e alí estaba Ricardo Gómez. Charlamos con el, contámoslle o traballo que realizastes cun dos seus libros. Quedamos en que para o ano que vén faría un oco e viría por Betanzos. E como non, pedímoslle que nos recomendase algo para vós.

E xa tedes na biblioteca: Diario en un camp o de barro.

A protagonista é unha adolescente que se chama Nushi. Pasou un ano de acollida cunha familia española e agora ten que regresar ao seu país na ex-Iugoslavia, onde os seus a esperan nun campo de refuxiados chamado Amencer-4. Nushi fai un diario coas cartas que lle escribe á súa familia española. A través destas cartas conta as súas vivencias , os seus medos, as súas esperanzas e os seus sentimientos. Ao final , Nushi , consegue convencer a súa familia para que ...

Se queredes saber como segue, xa sabedes..., outra viaxe máis para este verán.
Por suposto, contádenos que vos pareceu. E de seguro que ao propio Ricardo lle vai gustar a vosa opinión. Podedes contactar co autor na súa páxina web.

Destino: A Coruña.

2008-06-02T21:27:00.017+02:00

Efectivamente, "As Mariñas Lectoras" van de excursión. Puntualicemos: van de saída cultural.

A cidade herculina agárdavos.

Como clube de lectura que sodes visitaredes librarías, bibliotecas, exposicións.. Quen sabe as sorpresas que haberá para vós!

Ides de viaxe de lecer, si, mais tamén levades unha encomenda da biblioteca: contarnos polo miúdo as experiencias da viaxe.

Seredes o noso equipo de xornalistas particular. Debedes cubrir unha reportaxe.

Un exemplo de titular:

"Diario de viaxe das Mariñas Lectoras".

A reportaxe das profes.

Recomendacións dunha "mariña lectora"

2008-05-20T16:44:00.031+02:00

Eva de 1º da Eso fainos unhas boas suxestións de lectura a través dos seus comentarios.

De igual xeito ca ela, vós tamén podedes achegarnos as vosas opinións sobre os libros que máis os gustan.

"OLA!Son Eva, o libro que lin é moi interesante:O PAZO BALEIRO.Trata dun neno que atopou nun reloxo unhas cartas antigas e xunto co seu tío e os seus amigos averígüan moitas cousas sobre a persoa que as ecribiu donde vivía,etc. É de intriga ata a última páxina."

O pazo baleiro de Xabier Docampo

"Ola!eu estou lendo o libro TRECE ANOS DE BRANCA, o libro está moi ben, sobre todo se tes trece anos, a sua protagonista é unha rapaza que ten trece anos,como xa aclara o titulo, que está na casa enferma de hepatite, pero tivo sorte porque só era tipo virica,como polo seu cumpleanos lle regalaron un albún de fotos, está colocando nel as fotos da súa vida,(a dracaena, a excursión, o pombal, os anos que viviu en Santiago, os meses que pasou na casa de súa avoa...,pero sobretodo a Lois). Agora non vos digo máis,¡ledeo!"

Trece anos de Branca de Agustín Fernández Paz

"O libro A MIÑA PRANTA DE LARANXA LIMA está moi ben,a min gustoume moito,porque mostra a vida dun neno desfavorecido, traveso e que se conforma con facer feliz a xente.eu recomendobos que o leades,estou segura de que vos gustara moitisimo."

A miña planta de laranxa lima de J. Mauro de Vasconcelos

Todos eles tédelos á vosa disposición na biblioteca.

Graciñas Eva pola túa colaboración.

O novo fogar de Bruno

2008-05-17T18:40:00.002+02:00

A Bruno non lle gusta o que ve cando abre a fiestra da súa habitación. Ademais non entende por que todas as persoas levan pixama, un curioso pixama de raias.

Bruno vive agora en Auschwitz (Polonia), o maior centro de exterminio da historia do nazismo, onde se calcula que foron asasinadas máis de 1,3 millóns de persoas. Outras moitas conseguiron sobrevivir ata ser liberadas.

Ana Frank, Irene Nemirosky e Primo Levi son escritores que actualmente viven na nosa biblioteca e que tamén vestiron o pixama de raias.

O neno do pixama de raias

2008-05-08T16:54:00.009+02:00

Bruno ten 9 anos e, un novo destino no traballo de seu pai obrígalle, xunto á súa familia, a cambiar de residencia. Non só de casa senón tamén de lugar, un lugar moi distinto ao que anteriormente vivira.

Bruno séntese só, non ten con quen xogar e bota en falta os seus amigos berlineses.

Bruno iranos contando como vai transcorrendo a súa vida no seu novo fogar e iranos dando pistas para que nós saibamos realmente o sitio en que se atopa: un sitio que nunca debeu de existir.

John Boyne escribiu inicialmente este libro para un público xuvenil. Con todo o seu éxito converteuno nunha lectura obrigada para todas as idades.

Mañá seguiremos coa repartición de O neno do pixama de raias, a nosa última lectura como club antes de que remate o curso.

todosconelsahara

2008-05-06T21:15:00.009+02:00

Neste club de lectura dedicamos parte das nosas lecturas a coñecer a situación na que vive o pobo saharauí. A través de Bachir, de Kori, de Lalia, de Susu e tamén de Gonzalo Moure soubemos da xenerosidade dunha xente que vive abandoada desde fai 33 anos na parte máis inhóspita do deserto do Sahara.

E é por iso que non podemos deixar de facernos eco dunha iniciativa que arrincou hai uns días para conseguir que, a través da presentación do maior número posible de sinaturas, o Goberno español busque unha solución xusta e pacífica para ese conflito.

A maioría de vós sodes menores de idade, e polo tanto non podedes asinar, pero si sodes coñecedoras e coñecedores da problemática do pobo saharauí, e seguro que vos interesará acceder a esta información clicando na imaxe de embaixo. Porque "As Mariñas lectoras" tamén estamos co Sahara.

Fin da viaxe

2008-04-30T12:27:00.001+02:00

O club de lectura II xa terminou a súa viaxe por boa parte da Europa medieval acompañando a Michel e Mathius na procura dos tres eixos. O percorrido parece que gustou a pesar dos moitos problemas aos que se enfrontan os nosos protagonistas.

Deixámosvos unha pequena mostra dos lugares que visitamos e animámosvos a facer esta viaxe con Finis Mundi. Seguro que non vos arrepentiredes.

O saco de Simon.

2008-04-08T16:03:00.007+02:00

Deixamos África e comezamos unha nova viaxe coas "Mariñas Lectoras" do primeiro ciclo. Desta volta estamos a ler O saco de Simón da autora Anne Fine.

Na contraportada lemos:

Faltan once días para o grande experimento dos nenos da fariña. Os rapaces están listos para guindar á canle a patadas os seus nenos de tres quilos de fariña, pero Simón non. O moneco de Simón está axudándolle a entender a súa propia vida: por que o abandonou o seu pai e o forte que foi a súa nai por telo criado soa.

Logo da primeira reunión, seguro que vós xa nos podedes falar un pouquiño máis del.

Un anxo na nosa biblioteca

2008-03-31T22:53:00.002+02:00

Gonzalo Moure veunos visitar . Vós xa o coñeciades porque o autor, sen pretendelo, deixa moito del nos seus escritos. Pero hoxe falastes con el de libros (dos seus, dos da súa mocidade, dos dos seus amigos), do Sáhara, de Caramelo, do Risón, de cabalos, dos estudos, de traballos, da vivencia oceánica na escrita, de anxos que gustan das bibliotecas... E agasallounos con palabras como estas: Lembrades?

“Ler fainos máis libres”.
“Ler fainos sufrir”.
“O erro é pensar que as riquezas son as cousas”.
“O libro realmente importante na carreira dun autor é o inicialmente máis inútil. Pensemos no Principiño de Saint Éxupery”.
“Para escribir un libro hai que espirse”.
El dedicounos Son un cabalo, e nós, agasallámolo con Palabras de Caramelo e A noite d'O Risón; seus propios libros, si, pero de seguro que agora lle serán, se cadra, un bocadiño máis especiais, pois vós tamén escribistes neles as vosas propias dedicatorias.

Gonzalo Moure fálanos da súa visita a nosa biblioteca

Finis Mundi

2008-03-30T16:38:00.004+02:00

“As Mariñas lectoras II” ( 3º e 4º da ESO) trasladaranse esta semana ao ano 997 coa intención de iniciar un percorrido por boa parte de Europa para atopar e reunir os tres amuletos máxicos que poden adiar 1000 anos a chegada da fin do mundo.

Pero nesta viaxe non irán sos. Acompáñaos Michel, un xove monxe de 14 anos; Mattius, un xograr cínico e aventureiro; e Sirius o fiel can de Mattius.

Parece que con “Finis Mundi” de Laura Gallego está asegurado o misterio e a aventura.

O vindeiro martes comezaremos co reparto de libros e atoparémonos ao final de: “El eje del Presente”, “El eje del Futuro” e “El eje del Pasado”.

E ti, quen es?

2008-03-10T22:09:00.012+01:00

Este martes, as Mariñas Lectoras do primeiro ciclo leredes o libro Son un cabalo de Gonzalo Moure. Cada unha un pedazo.
Neste caso teredes un narrador diferente, o propio cabalo, protagonista e contador da historia.
Que vos pareceu o libro? Distinto, non si?
Pensade no esforzo de Gonzalo Moure para poñerse na pel do animal. Credes que está ben lograda a caracterización?
E vós, Mariñas Lectoras? Como fariades?
Pensa nese animal que tanto che gusta, que quizás vive contigo. Ponte na súa pel. Procuraremos que sexan todos diferentes, vale? Escribide como sería a vosa vida, que sentides, como vedes os humanos, que vos gusta e que vos desgusta de nós...
Á volta das vacacións leremos os vosos “Son un / unha... ".

Acta de minireunión

2008-02-27T18:13:00.014+01:00

A reunión de onte para os do club de 3º e 4º acabou sendo unha minireunión, e que é difícil competir cos exames días antes dunha avaliación. De todos os xeitos a tarde deu para xogos e para tomar decisións, que non é pouco. Imos por partes.

No lateral deste blog e dentro do apartado "Nosas actividades cos libros" hai unha dedicada a "O cazador de estrelas". Animádevos a facela e contádenos o resultado. Rocío e Sonia foron moi hábiles con ela a pesar do complicado que resultou reconstruír África.

Con respecto á nosa próxima lectura quedaramos en que sería a gañadora da enquisa que houbo neste blog ata onte mesmo: "Finis Mundi" de Laura Galego. Pero ante a visita que o próximo día 27 de marzo fará Gonzalo Moure ao noso club, decidimos empezar agora con A noite d´O Risón para poder falar do libro directamente co seu autor e pospor "Finis Mundi" para despois. Todos de acordo? Esperamos que si.

A noite d´O Risón baséase en historias sobre tormentas, naufraxios e mortos, contadas por mariñeiros e outros personaxes misteriosos que quedan atrapados, unha noite, polo temporal nun bar de pescadores.

O vindeiro martes pola mañá vémonos e repartimos os libros!

"Os ollos de ver están no corazón"

2008-02-24T20:02:00.012+01:00

A semana pasada o Sáhara visitou as Mariñas.
Todo o balbordo dos campamentos saharauís inundou a nosa cafetería coas fotos e os obxectos que a nosa compañeira Dores trouxo de aló.

"As Mariñas Lectoras" tamén contribuístes co voso graíño de area decorando a corticeira da biblioteca cos comentarios e debuxos sobre O cazador de estrelas e Palabras de Caramelo.

E mentres tanto, na biblioteca puidéronse ver cada día unha curtametraxe distinta sobre o pobo saharauí:

- O primeiro día achegámonos á orixe dos campamentos e á súa forma actual de vida.

- O segundo día coñecemos a Lalia que nos falou en primeira persoa da esperanza en retornar ao seu país.

- E o terceiro día acompañamos a Susu na súa primeira viaxe desde Smara ata Madrid dentro do programa: "Vacaciones en Paz".

"Os ollos que miran non son os ollos de ver; os ollos de ver están no corazón"

Diario dun amor adolescente.

2008-02-16T11:28:00.014+01:00

Día 13: Que fago? Escríbolle? Non, é unha horterada. Mira que poemas máis fermosos colgaronos da biblioteca. Si, entro, pido rápido unha postal e escríbolle.
Día 14: Sorrisos, ollares inquedos, bicos de namorados, cor vermella na roupa e na alma, apertas, nervios, incertidume.... Haberá carta para min? Por que non as reparten hoxe? Moito curran os de Técnicas de Expresión Expresión escrita de 4º: Currículo do amor, Instancia ao amor, Reclamación ao amor, Anuncios de balde amorosos...

Día 15: Toc, toc! Eh, aí vén a da biblioteca! Vaia feixe de postais! Ala, dállas á profe! E agora, uff!, agardar ata que remate a clase. “Yes, teacher”. “Que si, que facemos as ecuacións para o luns”. “Cal? O comentario da Revolución Francesa para o próximo día?” “Eu non sei analizar as cláusulas complexas!” “Veña profe, reparto eu as cartas?”
Siiiiiiiiiiiiiiiiiiiiiii! De quen será? Eu coma se nada. Que chuliña! De hoxe non pasa, dígolle algo. Que nervios...

Un de catro

2008-02-13T15:58:00.017+01:00

A lectura de O cazador de estrelas e máis Palabras de Caramelo deixounos a inquedanza de coñecer máis das condicións de vida nos campamentos saharauís. Por este motivo, e logo desta semana "namoreira", ímoslle dedicar uns días á realidade que se vive neses campamentos.

Mentres argallamos esas xornadas, aí vai unha proposta de novas lecturas para o alumnado do club de 3º e 4º da Eso.

Contos de Edgar Allan Poe, historias de terror gótico e psicolóxico, tramas detectivescas e románticas, ficcións alegóricas, aventuras.... nunha selección das mellores páxinas de quen sempre viviu ó límite da locura, do amor, da vida.

El misterio del eunuco de José Luís Velasco que transcurre en la corte cordobesa de al-Haken II, en donde encerrados en la misma habitación han aparecido el cadáver del eunuco favorito del califa y el mozárabe Rodrigo. Todo indica que se trata de un asesinato...

Corredores de sombra de Agustín Fernández Paz. Verán de 1995. No pazo dos Soutelo, ao facer unhas obras de restauración, descóbrese un esqueleto dentro dunha alfombra enrolada, oculto entre dous tabiques. Quen é o morto? Que man empuñou a pistola que o asasinou?

Finis mundi de Laura Gallego cuenta la historia de Michel, un joven monje de catorce años que descubre en su monasterio unos pergaminos que profetizan la llegada del fin del mundo para el año 1000. Estamos en el año 997 y la única manera de evitar la catástrofe es reunir tres amuletos mágicos repartidos por toda Europa.

Como podedes ver a cousa vai de misterio, iso que tanto vos gusta. Ah! dúas son en castelán e dúas en galego. Nesta ocasión todos leremos no mesmo idioma.

As vosas preferencias podedes deixalas nun comentario neste artigo ou marcando a vosa opción no cadradiño que se mostra na parte dereita deste blogue.

Lembrade: a máis votada será a nosa próxima lectura.
BubbleShare: Share photos - eco-friendly toys

Caramelo fálanos

2008-02-11T22:10:00.000+01:00

Lémbravos a un personaxe, verdade?
Si, por que non, podería ser Caramelo, o amigo de Kori. Que cres que Caramelo nos está a dicir?
E ti, que lle dirías despois de ler a obra de Gonzalo Moure?

E que nos contarías a nós do libro? Gustouche a historia?, e os personaxes?
E que nos dis do final do libro?
Por que recomendarías Palabras de Caramelo a todas esas persoas que nos len?
Benvido ao noso recuncho de animais favoritos, Caramelo!

O cazador de estrelas

2008-02-06T23:06:00.000+01:00

Mañá venres, podemos falar de...

Historia: "Agelia contaba que de joven quería estudiar para ingeniero, pero la guerra llegó cuando había conseguido una beca para ir a estudiar a España y ya nunca salió del país"

Condicións de vida: "Para evitar que el polvo se colase en la jaima, las lonas de la puerta la ventana estuvieron echadas. Agelia y Magali entraban y salían de la tienda quejándose de la arena, y Bachir encontró en la comida algunas partículas que rechinaron en sus dientes. A lo lejos, los berridos de los camellos y los balidos de las cabras mostraban también el desagrado por un viento que debía resecar sus gargantas"

Solidariedade: "Que noticias venían de fuera. Quienes eran los extranjeros que pululaban por allí. Qué ayudas habían traído. Y, en definitiva, cuándo dejarían de ser refugiados y volverían a su tierra…"

Inxustiza: "Sobrevivir es nuestra forma de lucha. Solo con eso le decimos al mundo que seguimos aquí. Que se está cometiendo una gran injusticia con el pueblo saharaui".

Actitudes persoais: "Reconoce que eres un poco tirano. Te has acostumbrado a que todo el mundo te proteja"

E de todo o que nós queiramos...

Día da Non Violencia e da Paz

2008-01-30T17:00:00.000+01:00

As Mariñas Lectoras e mais o noso alumnado de “Actividades de Estudo” de 2º da ESO e os de “Técnicas de Expresión escrita” de 4º traballaron arreo durante unha semana para celebraren este 30 de xaneiro: Día Escolar da Non Violencia e a Paz, que este ano coincide co 60º aniversario da morte de Gandhi.
Desde este blogue queremos reivindicar unha educación para a paz, unha cultura da paz.
Son murais feitos en grupo, pequenas mostras do que se pode facer traballando en solidariedade e cooperación. Velaí tedes os resultados

Os contos que Kori non pode escoitar

2008-01-29T13:09:00.000+01:00

"Bajo la jaima" é unha recompilación de contos populares saharauís que podes atopar na sección de literatura xuvenil en castelán (821-4).

Os contos nárranse á tardiña cando os nenos e nenas antes da cea reúnense na "jaima". Todos están sentados, todos participan na emisión do conto coa súa atención e interese...

El nuevo maestro

El nuevo maestro parecía muy severo y no ser muy querido por muchos de sus pequeños alumnos, porque, a menudo, hacía preguntas sorprendentes y pedía, sobre todo, que presentaran sus deberes cada mañana.
Un día ordenó a la clase dibujar un pájaro sobre un árbol en dos minutos solamente. Hizo bien entender, con amenazas muy claras, que castigaría a estar arrodillados contra la pizarra, durante una hora, a aquellos que no finalizaran la tarea a tiempo.
Los dos minutos acabaron. El maestro golpeó violentamente la mesa para que los alumnos levantaran sus pizarritas. Todo el mundo dibujó o intentó dibujar el árbol y el pájaro salvo el pequeño alumno del rincón. El maestro se dirigió a él y le preguntó:
- ¿Por qué no has dibujado el pájaro también?
Y el pequeño respondió:
- Maestro, yo lo he dibujado pero cuando usted golpeó la mesa se asustó tanto que salió volando.

Viaxar, un desexo, unha realidade.

2008-01-28T22:47:00.000+01:00

Viaxar, coñecer outras xentes, outros costumes, aprender outro idioma... Non, non é un desexo. Vós podedes, e por ben poucos cartos!
O departamento de inglés vén de pasarnos esta información: a Consellaría de Educación ofrece axudas para os estudantes que queiran viaxar a outros países para aprender inglés ou francés.
Que vos parece Canadá, tres semanas por 300 €? E Francia, Reino Unido, Irlanda por 100 €? Incrible, non si? Pois bulide, que o prazo para pedir a bolsa de axuda remata o 18 de febreiro.

Publicar no blogue

2008-01-27T12:03:00.000+01:00

Cando queirades publicar, calquera de vós, un artigo no blogue, só tedes que envialo ao enderezo de correo da biblioteca.

Poñerde tamén o voso nome e curso, e se queredes que teña unha imaxe, achegádenola co texto se é unha en concreto, de non terdes vós a imaxe, dicídenos que é o que precisades e nós intentaremos buscarche algunha que se lle pareza.

Animádevos!

Palabras de Caramelo.

2008-01-22T21:45:00.000+01:00

Esta peciña de Gonzalo Moure foi a elixida para ler polas Mariñas lectoras do primeiro ciclo da ESO.
Queredes saber de que vai? É a historia dun neno con problemas (un neno saharauí xordomudo empeñado en aprender a ler e escribir), que ten como mellor amigo e confidente un camelo chamado Caramelo e que vive nun campamento de refuxiados no deserto do Sahara.
Tal vez vos pareza estraño, non si?
Como di o propio autor, Palabras de Caramelo fálanos do pobo saharauí, pero ante todo fálanos da amizade, das ansias por aprender. "Tiven fai sete anos a sorte de coñecer unha nena xorda, dobremente marxinada, por xorda e por refuxiada, que con todo, e a pesar de non ter ferramentas de comunicación (nin escritura, nin Lingua de Signos), tivo pouca dificultade para facerse entender por min. Non hai nada que non se poida conseguir con vontade e con boas razóns para facelo".
Defende o poder da palabra, o respecto pola diferencia e o amor aos animais.
Oxalá que vos guste!

Xogando con Matilda

2008-01-22T12:41:00.000+01:00

Limos o libro,

vimos a película

e agora....

A xogar

Disfruta con Matilda!

Coñecendo a Bachir

2008-01-12T16:30:00.000+01:00

Bachir ten 12 anos, e unha enfermidade pulmonar teno retido na súa “haima”.
Bachir vive en Smara un dos campamentos de refuxiados saharauís. Alí as condicións de vida son moi duras: moita area, moitas pedras..., moita calor sobre todo no verán con temperaturas superiores aos 50º e practicamente ningún recurso polo que a supervivencia se basea na axuda humanitaria que reciben.
Estes campamentos que existen dende fai 32 anos, e onde viven máis de 200.000 persoas, formáronse a partir da invasión de Marrocos nos territorios saharauís. Este feito obrigounos a abandonar as súas casas e as súas cidades e fuxir ao deserto onde foron bombardeados e masacrados.
Ante esta tráxica situación, Arxelia cedeulles o anaco máis inhóspito do deserto do Sahara. Naceron, así, os campamentos de Smara, Auserd, Aaiún e Dajla ( os nomes son os mesmos que os das cidades que se viron obrigados a abandonar).

E cada vez... máis Mariñas Lectoras!

2008-01-10T20:13:00.000+01:00

O club de lectura do primeiro ciclo da ESO será, sen dúbida, o que iniciou a andaina de "As Mariñas Lectoras".Pero o recén formado de entre as filas dos alumnos e alumnas do segundo ciclo vén con forza, axiña lles darán caza aos de 1º que xa remataron de ler Matilda.

E , Patricia, Sonia, Desiree, Rocío, Alba, Daniel, Paula e Miguel , para quentar motores, comezarán con: O cazador de estrelas de Ricardo Gómez.

Algunhas novidades

2008-01-09T14:02:00.001+01:00

Xa están no moble de novidades os libros que Alba e Eva suxeriron para a biblioteca: El misterio del colegio embrujado e Nancy Drew, la chica detective.

E os demais, xa sabedes: cando teñades un interese especial por un libro, unha película ou un cd de música, só tedes que cubrir "o papeliño" das suxestións de compras. Animádevos!

O último do 2007

2008-01-06T18:41:00.000+01:00

Coas présas das vacacións algunhas cousas do ano anterior quedaron no tinteiro, e, que mellor que o inicio do ano para coñecelas!
Por exemplo: sabiades que xa chegamos ao máxico número de rexistro 10.000 con “Tras l os pasos de los dioses griegos” ? Animádevos a lelo. Este libro forma parte dunha interesante serie que segue as pegadas da escravitude, dos piratas, dos vikingos,do rei Arturo, de Cristobal Colón, … Podedes atopalo na sección de coleccións.

Outra novidade foi o agasallo do cómic " A mansión dos Pampín" a todos os integrantes do club de lectura así como o reparto dos novos carnés.

Pero o mellor de todo é que o alumnado de 3º e 4º da ESO tamén quere ter o seu propio club de lectura. Xa hai moitos apuntados e todo está preparado para empezarmos co inicio do ano.

E para rematar unha moi boa noticia: ao noso proxecto de club de lectura foille outorgada unha axuda de 1300 euros. Con este empurrón, abofé que nós si intentaremos cumprir os nosos propósitos para o 2008 con respecto ás Mariñas Lectoras.

Parabéns a todas e a todos vós que o fixestes posible, e

FELIZ ANINOVO!

BubbleShare: Share photos - Find great Clip Art Images.

Non é de Nadal pero ten libros

2007-12-21T16:12:00.001+01:00

Vémonos o vindeiro ano que din vén cheo de novidades: novos libros, novo club de lectura e novos proxectos, pero mentres…

Felices lecturas a todas e todos!!!

Unha recomendación de lectura

2007-12-20T15:26:00.000+01:00

Para Claudia que non daba atopado un libro para ler no Nadal.

Os escaravellos voan á tardiña de María Gripe

Tres rapaces coidan as plantas dunha casa deshabitada e deciden explorala. Cada exploración termina cun enigma. Ademais, descobren un paquete de cartas do século XVIII: narran a historia de amor entre Emile e Andreas, que termina traxicamente por culpa dun maleficio.

Na biblioteca en galego e en castelán.

Goza máis deste libro con esta guía para antes, durante e logo da súa lectura.

Hoxe, cine

2007-12-18T19:03:00.001+01:00

Hoxe “os do Club” deixaron descansar a Matilda e viron "Pesadilla antes de Navidad" unha película baseada nos debuxos de Tim Burton.

A idea da película vén de cando Burton viu como cambiaban nas tendas as cousas de Halloween polas de Nadal. A súa rodaxe fué moi longa, 3 anos, estreándose en outubro de 1993 e conseguindo varios premios.

Anos máis tarde Tim Burton dirixiu a "Novia Cadáver" que tamén temos na biblioteca; pero a súa primeira curtametraxe foi "Vicent", onde un neno soña con ser Vicent Price,un coñecido actor de cine que fixo moitas películas de terror. Queredes velo? Pois, aí vai

Esa horrible historia

2007-12-17T10:42:00.000+01:00

Asombrosos, incribles, superxeniales, degoladores, indómitos, feros,..
Non, non, tranquilos, estamos a falar dos celtas, viquingos, incas, exipcios, gregos e irlandeses.

Emparella os adxectivos cos xentilicios e terás os títulos de cinco libros de "Esa horrible historia", unha colección moi entretida para aprender cousas da historia.
E se queres botarlle unha ollada ou levalos en préstamo só tes que buscalos na sección de coleccións.

E agora a solución, cantos acertaches?

La invención de Hugo Cabret

2007-12-16T12:59:00.001+01:00

Orfo, reloxeiro e ladrón, Hugo vive entre os muros dunha buliciosa estación parisiense de ferrocarrís. Se quere sobrevivir ninguén debe saber da súa existencia.

Malia todo, un día ten un despiste e resulta decuberto por unha excéntrica rapaza, amante dos libros, e por un vello amargado que ten unha tenda de xoguetes.
E xa nada será como antes.

Unha marabillosa novela gráfica, queres vela? , queres lela?

Para botar un sorriso despois dunha longa semana de exames

2007-12-14T18:08:00.001+01:00

Adicado ás "mariñas lectoras" que hoxe estaban na biblio esgotadas polo moito que tiveron que estudar.

BubbleShare: Share photos - Cheap Hotels Vegas

O libro que Matilda non puido rematar

2007-12-12T17:27:00.000+01:00

"El poni rojo" é un libro que narra a infancia de Jody Tiflin nunha granxa situada no val de Salinas en California. Alí naceu tamén o seu autor, Jonh Steinbeck no ano 1902.

Jonh Steinbeck , Premio Nobel de Literatura no ano 1962, tamén está na nosa biblioteca.

Podes clicar sobre o libro e facelo cachizas como fixo o pai de Matilda, pero... olliño! cun pouco de tempo e habilidade poderás volver refacelo.

Así que vos gustan os contos de medo e intriga?

2007-12-10T09:45:00.000+01:00

Pois imos ver se atopades estes na biblioteca.

Unha pista: todos eles están nos andeis de literatura xuvenil en castelán (821-4) e literatura xuvenil en galego (821.1-4).
Ah, non! hai un que está cos outros cómics (821-5), todos mesturados sen importar os idiomas. Ben pola multiculturalidade!

A por eles!

Matilda le a Dickens

2007-12-09T11:57:00.000+01:00

Charles Dickens foi un novelista inglés e un dos escritores máis coñecidos da literatura universal. Naceu en 1812 en Portsmouth e pasou a maior parte da súa infancia en Londres e Kent , lugares que apareceron con frecuencia nas súas obras. Comezou a asistir á escola aos nove anos pero os seus estudos quedaron interrompidos cando o seu pai, ao non pagar unhas débedas, foi encarcerado. Charles viuse obrigado a traballar nunha fábrica aínda que anos máis tarde puido volver á escola.

Publicou por vez primeira aos 21 anos, baixo o pseudónimo de Boz, unha serie de relatos sobre a vida cotiá de Londres. Tiveron moito éxito e rapidamente encargáronlle novas obras.

En 1843 publicou Canción de Nadal que se converteu nun clásico da literatura infantil.

Morreu en xuño de 1879 .

Na biblioteca, o mesmo que Matilda, podes atopar algunhas obras deste escritor e tamén a película Oliver Twist baseada na novela do mesmo título e escrita por Dickens.

Música Mestre!

2007-12-06T13:49:00.001+01:00

Estamos habitados por libros e por música.
Vedes ese edificio? Si, o do fondo. Recoñecédelo? É o edificio da Ópera de París. Clicade nel e achegádevos ao fascinante mundo da ópera.
Temos reservado un palco para vós.
Collede o programa de man.
Baixan as luces.
Óense os primeiros acordes.
Gozade coa "Traviata" de Giuseppe Verdi.

Pasaxeiras e pasaxeiros ao tren!

2007-12-05T18:58:00.001+01:00

O club de lectura “As Mariñas Lectoras” xa se prepara para a viaxe da lectura. Para isto, a biblioteca dotounos do material imprescindible en toda maleta de lector:

Kit dos socios e socias do Club

Axenda.
Marcador de páxinas artesán.
Libro de lectura.
Chapa de lector.
Ex libris.
Un nada de esforzo, e
Un mundo de ilusión.
Boa viaxe!

Unha curiosidade

2007-12-03T20:06:00.001+01:00

Outra máis

2007-12-03T19:58:00.000+01:00

E xa, a última

2007-12-03T19:55:00.000+01:00

Heroes en acción

2007-12-02T11:46:00.001+01:00

—Vaites de aí! A Matilda! Mira ela que fachendosa! Como foi a elixida para ser o primeiro libro que vai ler o club...

—E nós que?
—Veña, rapaces, bulide! Saíde dos libros, que vos vexan outra vez! Deámoslles a benvida á nosa biblioteca nós tamén.
—A ver, eses sorrisos! Non vedes que este club vai dar moita guerra?

E saíron Don Quixote ao galope co seu fiel Sancho; a inconformista Mafalda e os seus amigos; os investigadores Tintín e Milú; os axentes da TIA Mortadelo e Filemón; a maxia de Harry Potter; os invencibles galos Astérix e Obélix; o eterno Principiño e moitos máis.
Todos, todos quixeron deixar por uns momentos os seus fogares de papel para saudarvos a vós. Fixádevos na cara de alegría que puxeron cando souberon que nos iades visitar á biblioteca con tanta frecuencia.

Matilda

2007-12-01T16:30:00.001+01:00

Matilda é unha nena de cinco anos. É superdotada e cunha gran afección pola lectura.

Roald Dahl, o seu autor, escribiu esta novela no ano 1988. E no ano 1996 foi levada ao cine.

Matilda é das poucas personaxes femininas protagonistas ás que lles deu vida Roald Dahl.

Benvidas e benvidos

2007-11-27T18:37:00.000+01:00

Benvidas e benvidos ao voso club de lectura. Por que, sen dúbida, “As mariñas lectoras” sodes vós:

Lucía Arcay López Noelia Beade Pérez Ana Diéguez Viana Daniel Ferreiro Presedo Cristina Gómez Pedreira Alba Iglesias Yáñez Claudia López Sánchez Eva Rodríguez Díaz Mariña Fernández Cao Sergio Lagares Ribas Verónica Rodríguez López Andrea Rodríguez Lage

Sentade, poñédevos cómodos, e gozade da lectura. Compartiredes cos vosos personaxes favoritos historias inesquecibles.

E se facemos un quebracabezas?